ფონიჭალაში ნარკოდანაშაულის ბრალდებით დაკავებული ძმებს ნაზიმ და მახირ ჯაფაროვებს სასამართლომ აღკვეთის ღონისძიების სახით პატიმრობა შეუფარდა.

მოსამართლე ეკატერინე კულულაშვილმა სრულად გაიზიარა ბრალდების მხარის შუამდგომლობა და განაცხადა, რომ არსებობს, როგორც მიმალვის, ასევე ხელახალი დანაშაულის ჩადენის საფრთხე.

საქმეზე წინასასამართლოს სხდომა 2 ოქტომბერს ჩაინიშნა.

ძმები სამართალდამცველებმა 11 აგვისტოს დააკავეს. გამოძიების ცნობით, ფონიჭალაში დაკავებულთა სახლებში ჩატარებული სპეცოპერაციის შედეგად სამართალდამცველებმა 33 შეკვრადდაფასოებული ჰეროინი ამოიღეს. გამოძიება ნარკოტიკული საშუალების უკანონო შეძენა შენახვისა და გასაღების მუხლით მიმდინარეობს.