ცეცხლის ორ კერასთან გამკლავება მოუწიათ მეხანძრეებს ახალციხის რაიონში. ახალციხე - ვალეს გზაზე ცეცხლი სოფელ სხვილისთან, ფერდობზე არსებულ ბალახსა და ბუჩქნარს მოედო.

ადგილზე სახანძრო-სამაშველო ხუთი ჯგუფი მუშაობდა. მათ ხანძრის დროული ლოკალიზება და შემდგ ლიკვიდაცია შეძლეს.

ამ დრომდე მუშაობენ მეხანძრე-მაშველები ახალციხეში მდებარე სასაფლაოზე, სადაც ცეცხლმა ტერიტორიის თითქმის ნახევარი გადაწვა.

მეხანძრეების რეაგირების შედეგად ხანძარი უკვე ლოკალიზებულია მიმდინარეობს მისი საბოლოო ჩაქრობა.