ჩრდილოეთ კორეის ლიდერმა სამხედროებს ნებისმიერ დროს მოქმედებისთვის მზადყოფნა უბრძანა. კიმ ჩენ ინმა ქვეყნის სტრატეგიული ძალები მოინახულა და აშშ-სთან დაკავშირებულ სამხედრო დაძაბულობაზე ისაუბრა.

ჩრდილოეთ კორეის ლიდერის თქმით, ორ ერს შორის კონფლიქტის პრევენციისთვის, ვაშინგტონმა სწორი გადაწყვეტილება უნდა მიიღოს. კიმ ჩენ ინს სურს, რომ თავდასხმის გადაწყვეტილების მიღებამდე, აშშ-ის მოქმედებებს დააკვირდეს.

მან ასევე აღნიშნა, რომ რეგიონში სტრატეგიული ბირთვული შეიარაღების განთვავსება თავდაპირველად სწორედ აშშ-მა დაიწყო.