პარიზში მომხდარ ინციდენტთან დაკავშირებით, ახალი დეტალები ხდება ცნობილი. თავდამსხმელის​ მანქანაში იარაღია აღმოჩენილი. პირველადი ინფორმაციით, რომელსაც შინაგან საქმეთა სამინისტროს სპიკერი ავრცელებს, მომხდარი ფაქტი, სავარაუდოდ, ტერაქტს არ უკავშირდება და მძღოლს თვითმკვლელობა ჰქონდა განზრახული.

ცოტა ხნის წინ, პარიზში ავტომანქანა პიცერიაში შევარდა. შემთხვევის შედეგად, დაიღუპა ერთი და დაშავდა 12 ადამიანი, მათგან ოთხის მდგომარეობა კრიტიკულია. მედიის ცნობით, გარდაცვლილი 13 წლის გოგონაა. სავარაუდო დამნაშავე მძღოლი, 32 წლის მამაკაცი დაკავებულია.

საფრანგეთში განხორციელებული ტერაქტების შემდეგ, საგანგებო მდგომარეობაა. ქვეყნის დედაქალაქის უსაფრთხოებას 10 000 სამხედრო და 4700 პოლიციელი იცავს. საპრეზიდენტო არჩევნებზე, პარიზის ცენტრში მომხდარი თავდასხმის შემდეგ, 50 000 პოლიციელი და სამხედრო იყო მობილიზებული.