შსს-ს განსაკუთრებულ დავალებათა დეპარტამენტის 15-მა თანამშრომელმა მაღალი მთის სამთო ტექნიკური კურსი გაიარა.

სწავლების დასრულების შემდეგ მათ შესაბამისი სერტიფიკატები გადაეცათ. ტრენინგი თავდაცვის სამინისტროს გენერალური შტაბის წვრთნებისა და სამხედრო განათლების სარდლობის პოლკოვნიკ ბესიკ ქუთათელაძის სახელობის საჩხერის სამთო მომზადების სკოლის ორგანიზებით, ყაზბეგის მუნიციპალიტეტში ჩატარდა.

განსაკუთრებულ დავალებათა დეპარტამენტის თანამშრომლებმა, მაღალ მთაზე გადაადგილების ხერხები, დაბრკოლების გადალახვის ტექნიკა, დაზარალებულის დახმარება და ევაკუაციის საკითხები შეისწავლეს.