ანაკლიაში მიმდინარე, ელექტრონული მუსიკის ფესტივალი - GEM Fest, დღეს პარალიზებულია. სტუმრები ტერიტორიაზე შესვლას ვერ ახერხებენ, რადგან ფესტივალის გაფიცულმა თანამშრომლებმა ე.წ. გამშვები პუნქტების მუშაობა, პროტესტის ნიშნად შეაჩერეს.

თანამშრომლები აქციას მართავენ და კუთვნილ ხელფასებს ითხოვენ. როგორც პროტესტის მონაწილეები აცხადებენ, მათ დაპირებული 500 ლარის ნაცვლად, 100-100 ლარი დაურიგეს, ფესტივალის ორგანიზატორი, გიორგი სიგუა კი ქვეყნიდან წავიდან.

შეგახსენებთ, რომ ელექტრონული მუსიკის ერთთვიანი ფესტივალი ანაკლიაში, რომელიც ბიუჯეტიდან მილიონ 900 ათასი ლარით დაფინანსდა, დღეს სრულდება.

ფესტივალის ტერიტორიაზე კომერციული ობიექტების მფლობელები, მოიჯარეები აცხადებენ, რომ ტურისტების სიმცირის გამო, მათ ვალები დაუგროვდათ.

ასევე დიდი დავალიანება დაუგროვდა ბიუჯეტიდან დაფინანსებულ ფესტივალს, რომელიც ფოიერვერკისა და გრანდიოზული დახურვის ნაცვლად, აქციის ფონზე დასრულდა.

ავტორი: ემა გოგოხია