რადიკალური ისლამისტური მოძრაობა "თალიბანი" შეერთებული შტატების პრეზიდენტს ღია წერილს უგზავნის და მოუწოდებს, ავღანეთიდან შეიარაღებული ძალების სრულად გაიყვანოს.

სააგენტო Khaama Press-ის ინფორმაციით, წერილში აღნიშნულია, რომ ქვეყანაში არსებული ძალადობა პირდაპირ კავშირშია ავღანეთში უცხოური შეიარაღებული ძალების არსებობასთან, რომელსაც "თალიბანი" "ოკუპაციურ ძალებს" უწოდებს.

ასევე წერილის ავტორები, შეერთებული შტატების ხელმძღვანელობით მოქმედ საერთაშორისო კოალიციას ავღანეთის განადგურებაში ადანაშაულებენ, რამაც, მათი თქმით, უსაფრთხოების, ეკონომიკისა და მმართველობის მხრივ ქვეყანა ერთ-ერთ ყველაზე მძიმე მდგომაროებამდე მიიყვანა.