ნატო-სა და ევროკავშირში ინტეგრაცია, აღმოსავლეთ პარტნიორობის სამიტი ნოემბერში და გერმანიის მხრიდან საქართველოს მხარდაჭერა იყო მთავარი საკითხები, რაზეც ვიქტორ დოლიძემ და ბუნდესტაგის დეპუტატმა ისაუბრეს. შეხვედრა მთავრობის ადმინისტრაციაში შედგა.

ფრანც იოზეფ იუნგი ბუნდესტაგში ქრისტიან-დემოკრატიული კავშირის ფრაქციას თავმჯდომარეობს. გერმანელ სტუმარს მედიასთან კომენტარი არ გაუკეთებია. საქართველოს ევროინტეგრაციის მინისტრმა ბუნდესტაგის დეპუტატს ინფორმაცია ქვეყანაში მიმდინარე რეფორმების შესახებ მიაწოდა.

მხარეებმა ასევე გერმანია-საქართველოს ორმხრივ თანამშრომლობაზეც ისაუბრეს.