ევროკავშირის სპეციალურმა წარმომადგენელმა სამხრეთ კავკასიაში და ჟენევის საერთაშორისო დისკუსიების თანათავმჯდომარემ ჰერბერტ ზალბერმა თანამდებობა ოფიციალურად დატოვა. მისი შემცვლელის ვინაობა სექტემბრის შუა რიცხვებისთვის გაირკვევა და ის კონკურსის წესით აირჩევა.
თავად ზალბერი კი გერმანიის საგარეო საქმეთა სამინისტროს უბრუნდება და გავრცელებული ინფორმაციით, მას ერთ-ერთ ქვეყანაში ელჩად გზავნიან.
გერმანელი დიპლომატი საქართველოში 2014 წლის ივლისიდან მუშაობდა. ეჭვები, რომ ევროკავშირის სპეციალური წარმომადგენელი მანდატს ვადაზე ადრე დატოვებდა მას შემდეგ გაჩნდა, როცა მაისში, ცხინვალში ვიზიტისას ზალბერმა დე ფაქტო პრეზიდენტს ე.წ. არჩევნებში გამარჯვება მიულოცა, რასაც ოფიციალური თბილისის პროტესტი მოჰყვა.
ფაქტის შემდეგ ოპოზიციამ ხელისუფლებას მოუწოდა, ბრიუსელისთვის გერმანელი დიპლომატის გაწვევის მოთხოვნით მიემართა.
მოამბე ევროკავშირთან საქართველოს მისიის ხელმძღვანელ, ნატალი საბანაძეს დაუკავშირდა