"ნაციონალური მოძრაობის" მერობის კანდიდატი ზაალ უდუმაშვილი ახალი ინიციატივით გამოდის. მისი თქმით, ყველა სოციალურად დაუცველი, რომლის სარეიტინგო ქულა ორასი ათასამდე განისაზღვრება, დამატებით მიიღებს 50 ლარიან დახმარებას მერიისგან.
დედაქალაქში ათიათასობით ადამიანი ელოდება სოციალურ დახმარებას, რომლის მიღებაც, როგორც უდუმაშვილი აცხადებს მახინჯი პოლიტიკის გამო არ ხერხდება.
უდუმაშვილის განცხადებით, სოცაგენტები შეგნებულად ზრდიან ქულებს, რაც არსებული მეთოდოლოგიის ბრალია. ზაალ უდუმაშვილის თქმით, მისი მერად არჩევის შემთხვევაში, ყველა სოცდაუცველი, რომლის სარეიტინგო ქულა ორასი ათასამდე განისაზღვრება, დამატებით მიიღებს 50 ლარიან დახმარებას მერიისგან.
ნაციონალური მოძრაობის მერობის კანდიდატის მტკიცებით, დედაქალაქში ასეთი 166 ათასი ადამიანია.
"ბიუროკრატიის შემცირებით ას მილიონამდე ლარი დაიზოგება მერიაში, რაც სოციალურდ დაუცველებს მოხმარდებათ", - აღნიშნა უდუმაშვილმა საკრებულოში "ნაციონალური მოძრაობის" ფრაქციის სხდომაზე.