აგვისტო 17, 2017
92
ამ დრომდე მძიმეა ბათუმში მომხდარი აფეთქების შედეგად დაშავებულის ჯანმრთელობის მდგომარეობა.
დაზარალებული სხეულის 90%-იანი დამწვრობით მართვით სუნთქვაზე იმყოფება. ჰოსპიტალიზებულია კიდევ ორი ადამიანი.
აფეთქების ხმა აბაშიძის ქუჩაზე მდებარე თხევადი აირის სადგურში შუადღისას გაისმა. დაინგრა ორი საცხოვრებელი სახლი, ორი სახლი კი ნაწილობრივ დამწვარია. შედეგად ღია ცის ქვეშ რჩება ოთხი ოჯახი, რომლებსაც ქალაქის მერია თავშესაფრებში გადაყვანას ჰპირდება. აფეთქების გამომწვევი მიზეზის დასადგენად გამოძიება დაწყებულია. როგორც ირკვევა, კერძო ობიექტი, რომელსაც გაზის ბალონების დასატენად იყენებდნენ, უნებართვოდ მუშაობდა. ადგილობრივი მოსახლეობის ნაწილი მის დახურვას მოითხოვს.
მაჩვენე მეტი