სამართლიანი არჩევნებისა და დემოკრატიის საერთაშორისო საზოგადოება 2017 წლის ადგილობრივი თვითმმართველობის არჩევნების წინასაარჩევნო გარემოს აფასებს.
ორგანიზაციამ საარჩევნო კანონმდებლობის, პოლიტიკური და მედია პლურალიზმის კუთხით წინასაარჩევნოდ ქვეყანაში არსებული გარემოს მიმოხილვა წარმოადგინა.
არასამთავრობო ორგანიზაციაში იმ ძირითად ტენდენციებზე ილაპარაკეს, რაც არჩევნების წინ პოლიტიკურ კონტექსტზე ახდენდა გავლენას. მათ შორის იყოს საკონსტიტუციო ცვლილებები, შვიდი ქალაქისთვის თვითმმართველი ქალაქის სტატუსის გაუქმება და ცვლილებები საარჩევნო კოდექსში.
ორგანიზაციაში აცხადებენ, რომ პოზიტიურია რეგულაციები, რომელთა შედეგადაც შესაძლებელი ხდება საარჩევნო სუბიექტების, სადამკვირვებლო და მედიაორგანიზაციების საარჩევნო ადმინისტრაციებში ელექტრონული რეგისტრაცია, თუმცა უარყოფითია რეგულაციები, რომელიც საარჩევნო ადმინისტრაციის გამჭვირვალობისა და ანგარიშვალდებულების კუთხით გარკვეულ შეზღუდვებს ადგენს.