აგვისტო 20, 2017
134
ახლო აღმოსავლეთში არსებული ვითარება იქნება განხილვის მთავარი თემა რუსეთის პრეზიდენტისა და ისრაელის პრემიერ-მინისტრის შეხვედრაზე.
ბენიამინ ნეთანიაჰუ ვლადიმერ პუტინთან, სირიის საჰაერო სივრცეში ინციდენტების თავიდან აცილების მიზნით, ისრაელის საჰაერო ძალებისა და რუსეთის სამხედრო ძალების ურთიერთქმედებასთან დაკავშირებულ საკითხებს განიხილავს.
ნეთანიაჰუსა და პუტინის შეხვედრა სოჭში, 23 აგვისტოს შედგება. შეხვედრაზე, ბოლო დროს განვითარებული მოვლენები იქნება განხილული, - აღნიშნულია ნეთანიაჰუს ადმინისტრაციის მიერ გავრცელებულ ოფიციალურ განცხადებაში.
ისრაელის პრემიერ-მინისტრისა და რუსეთის ფედერაციის პრეზიდენტის შეხვედრა ბოლოს 2017 წლის მარტში გაიმართა.
მაჩვენე მეტი