რუსეთის შეიარაღებულმა ძალებმა „ისლამური სახელმწიფოს“ 200 მებრძოლი გაანადგურეს, - ამის შესახებ ცნობებს რუსეთის თავდაცვის სამინისტრო ავრცელებს.
როგორც განცხადებაშია აღნიშნული, რუსეთის ავიაციამ სირიის ქალაქ დეირ-ეზ-ზორისკენ მიმავალი მებრძოლების ავტოკოლონა დაბომბა.
როგორც რუსი სამხედრო მაღალჩინოსნები ამტკიცებენ, იერიშის შედეგად განადგურებულია ექსტრემისტების კუთვნილი 20-ზე მეტი ავტომობილი და ჯავშანტექნიკა.
რუსეთის თავდაცვის სამინისტროში აცხადებენ, რომ ქალაქ დერი-ეზ-ზორის მისადგომებთან „ისლამური სახელმწიფოს“ მებრძოლების განადგურება ექსტრემისტულ დაჯგუფებასთან ბრძოლაში მიღწეულ მნიშვნელოვან წარმატებად შეიძლება ჩაითვალოს.
მანამდე, რუსეთის თავდაცვის მინისტრმა სერგეი შოუგუმ განაცხადა, რომ პროვინცია დეირ-ეზ- ზორზე კონტროლის დამყარების შემდეგ „ისლამური სახელმწიფოს“ დამარცხება გაცილებით მარტივი გახდება.