თბილისის მერობისთვის კახა კუკავაც იბრძოლებს. ,,თავისუფალი საქართველოს” ლიდერი საარჩევნო კამპანიაში კუკავა-ბურჯანაძის ალიანსის სახელით ჩაერთვება. ამავე გაერთიანებიდან საკრებულოს თავმჯდომარის პოსტზე კენჭს დიმიტრი ლორთქიფანიძე იყრის.

კანდიდატების წარდგენის დროს პარლამენტის ყოფილი თავმჯდომარის ტონი სხვა ოპოზიციური პარტიების, განსაკუთრებით კი ,,პატრიოტთა ალიანსის” მისამართით მწვავე იყო. ნინო ბურჯანაძემ წინასაარჩევნოდ ოპოზიციის გაერთიანების აუცილებლობას გაუსვა ხაზი და თქვა, რომ კონსულტაციებისთვის კარი ჯერ ღიაა.