აგვისტო 22, 2017
527
ბორჯომის ხეობა სტიქიის ზონად რჩება. მთის ფერდობზე გაჩენილი ცეცხლი თითქმის ლოკალიზებული იყო, თუმცა, დღის მეორე ნახევრიდან სიტუაცია ისევ გაუარესდა. ქარის გამო ნახანძრალ ტერიტორიაზე ახალი კერები გაჩნდა, იმატა დაკვამლიანებამაც.
ხანძრის ჩაქრობის პროცესში აზერბაიჯანული ვერტმფრენი ჩაერთო, - ამის შესახებ პირველი არხის ჟურნალისტი ადგილიდან იუწყება.
ხეობაში ახლაც ქარია, რაც ცეცხლის სალიკვიდაციო სამუშაოებს კიდევ უფრო ართულებს. ადგილობრივი ხელისუფლება ტყის მასივში და დასახლებულ პუნქტებში ხანძრის გავრცელების საფრთხეს ამ ეტაპზე გამორიცხავს, თუმცა ევაკუაციის გეგმა მაინც არსებობს. სოფლებს: დაბას და ყვიბისს ხანძრის გავრცელების არეალთან 2-3 კილომეტრი აშორებს.
გურამ როგავა მუშაობს სტიქიის ზონაში.
მაჩვენე მეტი