რუსეთის მოქალაქეები აშშ-ის არასამიგრაციო ვიზების მიღებას 23 აგვისტოდან ვეღარ შეძლებენ. შესაბამის განცხადება რუსეთში აშშ-ის საელჩოს ვებგვერდზე გავრცელდა.
როგორც განცხადებაშია ნათქვამი, მოსკოვში ვიზების გაცემა პირველი სექტემბრიდან აღდგება. თუმცა, სხვა რეგიონების შემთხვევაში პროცედურის განახლების თარიღი დასახელებული არ არის.
„იმ ზომების გამო, რომელიც რუსეთის ფედერაციამ რუსეთში აშშ-ის დიპლომატიური წარმომადგენლობის თანამშრომელთა რიცხვის შემცირების მიზნით მიიღო, 2017 წლის 23 აგვისტოდან არასაიმიგრციო ვიზების გაცემა მთელი რუსეთი მასშტაბით შეწყდება სექტემბრიდან ვიზების გაცემა მოსკოვში განახლდება. რუსეთში მდებარე საკონსულოებში აშშ-ის ვიზების გაცემა გაუსაზღვრელი ვადით შეწყდება“, - ნათქვამია განცხადებაში.
აშშ-ის საელჩოს ცნობით, 21 აგვისტოდან ასევე გაუქმდება ყველა გასაუბრება, რომელიც აშშ-ის ვიზის მიღების მსურველებთან მანამდე იყო დანიშნული.
რუსეთის საგარეო უწყებაში განაცხადეს, რომ ვაშინგტონის მიზანია, რუსეთის მოქალაქეებში მოქმედი ხელისუფლებისადმი უკმაყოფილება გაიზარდოს. კრემლში ვაშინგტონის გადაწყვტილების დეტალურად შესწავლას გეგმავენ.