რუსეთი ოკუპირებულ აფხაზეთს სამხედრო ტექნიკას გადასცემს. შესაბამის ინფორმაციას რუსეთის თავდაცვის სამინისტრო ავრცელებს.
როგორც უწყებაში განმარტეს, ე.წ. კონტრაქტს რუსეთის თავდაცვის მინისტრის მოადგილემ ალექსანდ ფომინიმ და თვითგამოცხადებული რესპუბლიკის ე.წ. გენშტაბის ხელმძღვანელმა ანატოლი ხრულოვმა შეხვედრაზე მოაწერეს ხელი.
„ხელმოწერილი კონტრაქტებით აფხაზეთს გადაეცემა სამხედრო ქონება. აღნიშნული სამუშაო რუსეთის ფედერაციასა და აფხაზეთის რესპუბლიკას შორის მოკავშირეობისა და სტრატეგიული პარტნიორობის შესახებ 2014 წლის ნოემბერში გაფორმებული შეთანხმების საფუძველზე ხორციელდება, რაც აფხაზეთის შეიარაღებული ძალების მოდერნიზაციას ითვალისწინებს“, - აცხადბენ რუსეთის თავდაცვის უწყებაში.
მოსკოვში ასევე აცხადებენ, რომ შეხვედრაზე განიხილებოდა ოკუპირებულ აფხაზეთში მდებარე რუსეთის სამხედრო ბაზის ფუქციონირებისა და ერთობლივი რუსულ-აფხაზური შეიარაღებული ქვედანაყოფის ფორმირების საკითხიც.