დამოუკიდებელი საქართველოს ერთ-ერთმა ყველაზე წარმატებულმა კალათბურთელმა, ეროვნული გუნდის ერთ-ერთმა ყოფილმა ლიდერმა და ამჟამად კალათბურთის ეროვნული ფედერაციის ვიცე-პრეზიდენტმა, ვლადიმერ ბოისამ ავტობიოგრაფიული წიგნი გამოსცა.
სპორტული ჟურნალისტის, ზურაბ თალაკვაძის წიგნის - „ბოისა - ჩემი გზა“ - პრეზენტაცია დღეს სასტუმრო „ქორთიარდ მარიოტში“ გაიმართა, სადაც ქართული კალათბურთის ერთ-ერთი წამყვანი კალათბურთელის ოჯახის წევრები, მეგობრები და ახლობლები შეიკრიბნენ.
ვლადიმერ ბოისას არაერთი მეგობარი ჰყავს საქართველოს ეროვნულ ნაკრებში, რომლებიც დღევანდელ პრეზენტაციას დაესწრნენ.
ვლადიმერ ბოისას პრეზენტაციას ესწრებოდნენ საქართველოს 16-წლამდელთა ნაკრების წევრები, რომლებმაც ბულგარეთში გამართულ ევროპის ჩემპიონატის B დივიზიონში მე-3 ადგილი დაიკავეს და კონტინენტის მომავალი წლის პირველობის ელიტარულ A დივიზიონში საგზური მოიპოვეს.
პრეზენტაციაზე მოსულ სტუმრებს საჩუქრად გადაეცათ ვლადიმერ ბოისას ავტობიოგრაფიული წიგნი.