მასშტაბური ხანძრის სალიკვიდაციო სამუშაოები ბორჯომის ხეობაში მთელი ღამის განმავლობაში გრძელდებოდა. დილიდან განაახლეს სამუშაოები საქართველოსა და აზერბაიჯანის ვერტმფრენებმა.

ბორჯომის ხეობაში სოფელ დაბასთან ხანძარი პირველად სამი დღის წინ გაჩნდა. რთული მეტეოროლოგიური პირობებისა და ძნელად მისადგომი რელიეფის გამო, მეხანძრე მაშველებს ცეცხლთან გამკლავება გაუჭირდათ.

მასშტაბური ხანძრის ლოკალიზება გუშინ შუადღისთვის მოხეხრდა თუმცა ძლიერი ქარის გამო, ცეცხლი კვლავ გააქტიურდა და პირველად არეალზე მეტი ფართობი მოიცვა.

ამ ეტაპზე სტიქიის ზონის პერიმეტრი რამდენიმე ათეულ კილომეტრზეა გადაჭიმული და ათზე მეტი ჰექტარი ფართობი აქვს მოცული.