როსტოვში მასშტაბური ხანძრის შედეგად 58 ადამიანი დაშავდა. მათგან 9 ჰოსპიტალიზებულია. დამწვარია 120 საცხოვრებელი სახლი. საგანგებო სიტუაციების სამსახურის ცნობით, დაზარალდა 218 ოჯახი.

ძლიერი ხანძარი როსტოვის იმ რაიონში, სადაც ძირითადად კერძო სახლები მდებაროებს გუშინ გაჩნდა. მოგვიანებით ცეცხლი მაღალსართღულიან კორპუსებსაც გადაედო.

ხანძრის ლოკალიზება და შემდეგ ლიკვიდაცია მას შემდეგ მოხერხდა, რაც მეხანძრეების დასახმარებლად ავიაცია გააგზავნეს. ცეცხლი ჩაქრობაში სამი ვერტმფრენი და სამი თვითმფრინავი მონაწილეობდა.

მომხდარის გამო როსტოვის ოლქში საგანგებო მდგომაროების რეჟმი იყო გამოცხადებული.

დაზარალებული მოსახლეობის დასახმარებლად ქალაქში გახსნეს სპეციალური ცენტრი, რომელსაც 500-მდე მოქალაქემ მიმართა.

მოროდიორობის თავიდან აცილების მიზნით, ღამის განმავლობაში როსტოვში 400-ზე მეტი პოლიციელი, 350 გვარდიელი და 174 სამხედრო მოსამსახურე პატრულირებდნენ.

საგანგებო სიტუაციების სამსახურში ხანძრის გაჩენის მიზეზი უკვე დაასახელეს. მათი თქმით, ცეცხლი დასახლებასთან ახლოს მდებარე ნაგავსაყრელზე გაჩნდა. მათივე თქმით, არ არის გამორიცხული რომ ხანძარი განზრახ გააჩინეს.