ზაზა ფაჩულია საქართველოს საკალათბურთო ნაკრებთან ერთად საბერძნეთში გაემგზავრა. ნაკრების კაპიტანი “აკროპოლისის თასს” ტრავმის გამო გამოტოვებს.
გუნდის სამწვრთნელო შტაბის განცხადებით, ეროვნული საკალათბურთო ნაკრების კაპიტანს ექიმები აკვირდებიან და უახლოეს დღებში გახდება ცნობილი, შეძლებს თუ არა ის 31 აგვისტოს. ევრობასკეტის პირველ შეხვედრაში მონაწილეობას.
რაც შეეხება ათენში გასამართ „აკროპოლისის თასს“, საქართველოს ნაკრები ევროპის ერთ-ერთ უძლიერეს საერთაშორისო ტურნირში მიიღებს მონაწილეობას, სადაც ილიას ზუროსის გუნდის მეტოქეები მასპინძელი საბერძნეთის, იტალიისა და სერბეთის ეროვნული ნაკრებები იქნებიან. მატჩები 23-25 აგვისტოს გაიმართება.
შეხვედრების პირდაპირ ტრანსლაციას საზოგადოებრივი მაუწყებელი შემოგთავაზებთ.