თეთრი სახლი ამერიკელებს მოუწოდებს Kaspersky-ის ანტივირუსის გამოყენებაზე უარი თქვან.
შესაბამისი განცხადება აშშ-ის პრეზიდენტის ადამინისტრაციის კიბერუსაფრთხოების საკითხების კოორდინატორმა რობ ჯოისმა ამერიკულ ტელეკომპანია CBS-თან ინტერვიუში გააკეთა.
მისივე თქმით, არსებობს საფრთხე, რომ რუსეთში დაარსებული კომპანია კრემლთან და რუსეთის სპეცსამსახურებთან თანამშრომლობს.
მანამდე აშშ-ის ხელისუფლებამ Kaspersky-ის პროდუქციის გამოყენება სამთავრობო უწყებებს აუკრძალა. ახლა კი თეთრი სახლის წარმომადგენელმა უკვე ცალკეული შტატების მთავრობებს, კერძო სექტორს და ინდივიდუალურ პირებსაც მოუწოდა ამ კომპანიის პროდუქტების გამოყენებაზე უარი თქვან.
როგორც რობ ჯოისი ამბობს, ამჟამად ამერიკელ ბიზნესმენებთან ამ საკითხზე ფედერალური საგამოძიებო ბიუროს თანამშრომლები მოლპარაკებებს მართავენ.
Kaspersky-ის ხელმძღვანელი ესვგენი კასპერსკი კატეგორიულად უარყოფს რუსეთის სპეცსამსახურებთან კავშირს და ამ ბრალდებას უსაფუძვლოს უწოდებს. მან არ გამორიცხა, რომ აშშ-ის ხელისუფლების გადაწყვეტილება კონკურენტების ინტერესებს ემსახურებოდეს. კასპერსკი აცხადებს, რომ მზადაა ამ საკითხზე მოხსენებით კონგრესშიც კი წარსდგეს.