სოჭში, რუსეთის პრეზიდენტისა და ისრაელის პრემიერ-მინისტრის შეხვედრაზე ახლო აღმოსავლეთში შექმნილი ვითარება და რეგიონის სამხედრო-პოლიტიკური საკითხები განიხილეს.
ბენიამინ ნეთანიაჰუს განცხადებით, რეგიონში პოზიციებს მნიშვნელოვნად აძლიერებს ირანი, რაც ისრაელისთვის საფრთხეს წარმოადგენს.
ისრაელის მთავრობის მეთაურის თქმით, ჯიჰადისტების წინააღმდეგ ბრძოლა მნიშვნელოვანია, თუმცა ისრაელის მიმართ ირანისგან მომდინარე საფრთხის დავიწყება არ შეიძლება.
„ერთობლივი ძალისხმევით ჩვენ „ისლამურ სახელმწიფოს“ ვამარცხებთ, მაგრამ ცუდი ისაა, რომ სადაც ჯიჰადისტები ქრებიან, იმ ადგილას ირანელები ჩნდებიან. ირანი კონტროლს აძლიერებს ერაყსა და იემენზე, ასევე ლიბანზე“, - განაცხადა ისრაელის პრემიერ-მინისტრმა.
ნეთანიაჰუმ ასევე აღნიშნა, რომ ირანი ტერორისტულ ორგანიზაციებს იარაღს აძლევს და ტერორიზმს აფინანსებს.