წამებისა და გაუპატიურების ფაქტი ქვემო ქართლში - არსებული ინფორმაციით, ერთ-ერთ სოფელში 40 წელს გადაცილებული მამაკაცი ხუთმა პირმა გააუპატიურა.

ფაქტი სავარაუდოდ ეჭვიანობის ნიადაგზე მოხდა.

დაზარალებული მამაკაცი საავადმყოფოშია მოთავსებული. ახლობლების განმარტებით, ის უგონო მდგომარეობაშია.

როგორც პირველ არხს საქართველოს შინაგან საქმეთა სამინისტროში განუცხადეს, მომხდარ ფაქტზე გამოძიება სისხლის სამართლის კოდექსის 144-ე პრიმა მუხლით დაიწყო, რაც წამებას გულისხმობს.

უწყების ცნობით, ფაქტზე ხუთი პირია დაკავებული.

როგორც დაზარალებულის ახლობლები და თანასოფლელები აცხადებენ, ფაქტში 15-მდე პირი მონაწილეობდა. მამაკაცის ახლობლები ყველა მათგანის დასჯას ითხოვენ.