სტიქიის მეხუთე დღე ბორჯომის ხეობაში ინტენსიური სამუშაოებით დაიწყო. ცეცხლის მასშტაბები არ გაზრდილა, თუმცა რჩება რამდენიმე რთული ლოკაცია. ვითარება გაუმჯობესებულია, თუმცა ცეცხლის კერა ისევ ბევრია.
ხეობაში წუხანდელი ღამიდან ქარი ჩადგა, თუმცა სამუშაოებს რთული რელიეფი აფერხებს.
ხანძრის კერებთან მისასვლელად დამატებით კიდევ 3 კილომეტრამდე გზა გაიჭრა. პროცესში ჩართულია საავიაციო და მძიმე ტექნიკა, 1500-მდე მაშველი. განსაკუთრებულ დავალებათა დეპარტამენტის თანამშრომლები ალტერნატიული ცეცხლმაქრი საშუალებებით არიან აღჭურვილები.
საგანგებო რეჟიმში მუშაობს საველე ოპერაციების მართვის შტაბი, რომელსაც პრემიერ-მინისტრი ხელმძღვანელობს. გიორგი კვირიკაშვილის განცხადებით, ვითარება ხეობაში კონტროლს ექვემდებარება. მთავრობის მეთაურის ინფორმაციით, დახმარების სურვილს კიდევ რამდენიმე ქვეყანა გამოთქვამს, მათ შორის შეერთებული შტატები, გერმანია, უკრაინა, დიდი ბრიტანეთი და საბერძნეთი.
სტიქიის ზონაში მუშაობს გენო ოსიყმაშვილი.