უკრაინაში, მიხაილ გრუშევსკის ქუჩა გადაკეტილია. ადგილზე ექსპერტ-კრიმინალისტები მუშაობენ.
როგორც პირველი არკის ჟურნალისტი უკრაინიდან იუწყება, აფეთქების შედეგად სავარაუდოდ ორი ადამიანი დაშავდა.
თვითმხილველების ინფორმაციით, იმდენად ძლიერი აფეთქება იყო, რომ დამოუკიდებლობის დღის აღსანიშნავი ზალპი ეგონათ.
გარდა ამისა, შემთხვევის ადგილთან ახლოს რამდენიმე მნიშვნელოვანი სახელმწიფო უწყებაა, მათ შორის რადას შენობა. ასევე, აფეთქების ადგილიდან რამდენიმე ასეული მეტრის მოშორებითაა ხრეშატიკის ქუჩაც, სადაც ამ დროისთვის კვლავ სადღესასწაულო ღონისძიებები მიმდინარეობს და მოქალაქეები ქუჩაში გამოფენილ მძიმე ტექნიკას ათვალიერებენ.
ცოტახნის წინ კიევში, გრუშევსკის ქუჩაზე, მთავრობის სახლის მახლობლად აფეთქება მოხდა, რის შედეგადაც ორი ადამიანი დაშავდა.