აგვისტო 25, 2017
197
სოფელ კალაურის ტყეში, ნათლისმცემლის სამონასტრო კომპლექსის მთავარი ტაძრის რესტავრაციის დროს, მეთერთმეტე საუკუნის სამარხს მიაკვლიეს. ამის შესახებ ინფორმაცია ტაძრის წინამძღვარმა, მამა ილია ჯანიაშვილმა გაავრცელა. სოფელი გურჯაანის მუნიციპალიტეტში მდებარეობს.
ძვალშესალაგი სავარაუდოდ მეფე კვირიკე მესამეს ეკუთვნის, რომელიც 1010-1037 წლებში მეფობდა. საფლავზე წარწერაა: " რანთა და კახთა მეფე“.
ადგილზე ძეგლთა დაცვის სპეციალისტები ჩავიდნენ და საფლავის გასუფთავება დაიწყეს. კულტურისა და ძეგლთა დაცვის ეროვნულ სააგენტოში აღმოჩენის შესახებ, მისი საბოლოო შესწავლის მიზნით, დეტალებს არ აკონკრეტებენ.
მაჩვენე მეტი