აგვისტო 25, 2017
64
„აუდიტორია 115-ის“ წევრები და რკინიგზის ახალი პროფკავშირის წარმომადგენლები, რომლებიც სამართალდამცველებმა გუშინ აქციის დროს დააკავეს, ცოტა ხნის წინ სასამართლო დარბაზის დატოვების შემდეგ კვლავ მოშიმშილეებს შეუერთდნენ.
აქციის მონაწილეები ამბობენ, რომ სამომავლო ნაბიჯებზე ერთობლივად შეთანხმდებიან და გადაწყვეტილებას მიიღებენ.
ამ დროისთვის საქართველოს რკინიგზასთან 15 ადამიანი შიმშილობს. მათი მოთხოვნები უცვლელია. ისინი გურჯაანიდან მარნეულში გადაყვანილი თანამშრომლის უკან დაბრუნებას და საქართველოს რკინიგზის ინფრასტრუქტურის სამსახურის დირექტორის და საზოგადოებასთან ურთიერთობის სამსახურის ხელმძღვანელის გადაყენებას ითხოვენ.
საქართველოს რკინიგზა მოშიმშილეებს მოლაპარაკებებისკენ მოუწოდებს.
მაჩვენე მეტი