„ევროპული საქართველოს“ რუსთავის მერობის კანდიდატი ნინო იმედაშვილი ოლქის მაჟორიტარი დეპუტატობის კანდიდატთან მალხაზ ნოზაძესთან ერთად მარისხევში მცხოვრებ მოსახლეობას შეხვდა და მათ პრობლემებს გაეცნო.
ადგილობრივები მძიმე ინფრასტრუქტურულ და სანიტარიულ პრობლემებს უჩივიან. მათი თქმით, დასახლებაში არ არსებობს გარე-განათება და ნაგვის ურნები. მათ თვითნებურად უწევთ საყოფაცხოვრებო ნარჩენების გატანა, რის გამოც დასახლებაში ანტისანიტარიაა. მარისხევის ნაწილს არ მიეწოდება ბუნებრივი აირი და დასახლებამდე მისასვლელი საავტომობილო გზაც ავარიულია.
მერობის კანდიდატთან საუბრის დროს ადგილობრივებმა ასევე აღნიშნეს, რომ მათ სახელმწიფოს რამდენჯერმე მიმართეს საცხოვრებელი ფართების დაკანონებაზე, თუმცა, პრობლემა დღემდე მოუგვარებელია.