გენო პეტრიაშვილი მსოფლიო ჩემპიონია. საქართველოს თავისუფალი სტილით მოჭიდავეთა ეროვნული გუნდის წევრმა პარიზში ოლიმპიური ჩემპიონი, ევროპის ხუთგზის და მსოფლიოს ორგზის ჩემპიონი თურქი ტახა აკგული დაამარცხა და მსოფლიო ჩემპიონის ტიტული მოიპოვა.
დაძაბულ ბრძოლაში გენო პეტრიაშვილმა მოწინააღმდეგეს 10:8 სძლია და ოქროს მედალიც დაისაკუთრა.
აღსანიშნავია, რომ მსოფლიო ჩემპიონატის პირველ დღეს საქართველოს დელეგაციამ კიდევ ერთი მედალი მოიპოვა - ოლიმპიურმა ჩემპიონმა ვლადიმერ ხინჩეგაშვილმა პარიზში მიმდინარე მსოფლიო ჩემპიონატზე ბრინჯაოს მედალი აიღო..
პარიზში მიმდინარე მსოფლიო ჩემპიონატი დღეს დასრულდება. მედლები კიდევ ოთხ წონით კატეგორიაში გათამაშდება. საქართველოს ნაკრებიდან ზურაბ იაკობიშვილი, ზურაბ ერბოწონაშვილი, ჯუმბერ ყველაშვილი და ელიზბარ ოდიკაძე ისაპარეზებენ.