“ერთიანი ნაციონალური მოძრაობის” წევრი ლევან ბეჟაშვილი აცხადებს, რომ საოლქო საარჩევნო კომისიების პოლიტიკური ნიშნით დაკომპლექტება მიმდინარეობს.
პარტიის წევრი განმარტავს, რომ ისნის საოლქო საარჩევნო კომისიაში საუბნო საარჩევნო კომისიის წევრების ასარჩევად სხდომა ჩატარდა და ამ მიზნით კონკურსი გამოცხადდა.
მისი თქმით, განკარგულების მიღებიდან 2 საათში, როდესაც ინფორმაცია ვებგვერდზე ჯერ გამოქვეყნებული არ იყო, “ქართული ოცნებიდან” გამოგზავნილი პირები საოლქო კომისიაში მივიდნენ და კონკურსზე დარეგისტრირდნენ.
იმ მიზნით, რომ პარტიული ინტერესები გამოირიცხოს, ბეჟაშვილი iცენტრალურ საარჩევნო კომისიას მიმართავს და კომისიის შეკრებას და იმ კრიტერიუმების განსაზღვრას მოითხოვს, რომლის საფუძველზეც საუბნო საარჩევნო კომისიის წევრები დაინიშნებიან.