საქართველოს ეროვნული ნაკრების სამედიცინო ჯგუფი და ნაკრების კაპიტანი ძალებს არ იშურებენ, რათა ზაზა, ევრობასკეტზე მაქსიმალურ ფორმაში იყოს. ზაზა ფაჩულიამ, ნაკრებთან ერთად, უკვე მეორე ვარჯიში ჩაატარა.
„პროგრესი ნამდვილად არის, მაგრამ ვერ ვიტყვი, რომ ფეხი 100 % მაქვს მორჩენილი. საკმაოდ გრძელვადიანი პროცესია რეაბილიტაცია, მაშინ როდესაც ფეხი ისე გიბრუნდება, როგორც ეს მე მომივიდა. თუმცა, ექიმები ყველაფერს აკეთებენ იმისთვის, რომ რაც შეიძლება დააჩაქრონ პროცესი. დღეში, 3 რეაბილიტაცია მიტარდება. ბოლო 2 ვარჯიშია, გუნდთან ერთად, შეძლებისდაგვარად ვივარჯიშე. სწორ გზაზე ვართ, წინ მივდივართ, იმის იმედით, რომ 31 აგვისტოს რაც შეიძლება საუკეთესო ფორმაში ვიყო" - ამბობს ზაზა ფაჩულია
შეგახსენებთ, თბილისის მერიის თასისი დასრულების შემდეგ, ათენის ტურნირზე გამგზავრებამდე ერთ-ერთ ბოლო ვარჯიშზე, ზაზამ ფეხი გადაიბრუნა და კოჭი დაიზიანა. ქათველი კალათბურთელის ევრობასკეტზე მონაწილეობა კითხვის ნიშნის ქევშ დადგა, თუმცა, ზაზა გუნდთან ერთად საბერძნეთში გაემგზავრა და ინდივიდუალურად, ექიმების მეთვალყურეობით სარეაბილიტაციო პროცესს გადიოდა.
ზაზას ჯანმრთელობას თვალს ადევნებდა „გოლდენ-სტეიტ უორიორსის" სამედიცინო შტაბშიც. ამის შესახებ, რამდენიმე უცხოურ გამოცემაშიც დაიწერა. თუმცა, ჩვენდა საბედნიერო, ამ ეტაპზე საერთო ძაისხმევით, ხერხდება, ზაზას, სასურველ კონდიციამდე მიყვანა და ფაჩულია, 31 აგვისტოდან, საქართველოს ნაკრებთან ერთად იქნება.