მდინარე გუჯარულაზე ინციდენტის შედეგად 1 300-მდე ლიტრი საავიაციო საწვავი ჩაიღვარა. ამ წუთებშიც ადგილზე რჩებიან საგანგებო სიტუაციების მართვის სააგენტოს თანამშრომლები.
დაბინძურებული წყლის უტილიზაციას ქიმიურ, ბიოლოგიურ, რადიაციულ და ბირთვულ ინციდენტებზე რეაგირების 12-კაციანი ჯგუფი აწარმოებს.
სპეციალისტების მტკიცებით, გარემოში საავიაციო საწვავის მოხვედრის ალბათობა არ არსებობს.
სასაზღვრო პოლიციის ეს მი-8-ა მასშტაბური ხანძრის სალიკვიდაციო სამუშაოებში პირველი ჩაერთო. ვერტმფრენის პილოტებმა ერთი კვირის განმავლობაში სტიქიის ზონაში 600-მდე ურთულესი გაფრენა განახორციელეს.
შინაგან საქმეთა სამინისტროს ინფორმაციით, ინციდენტამდე პილოტებმა შენიშნეს პრობლემა. ვინაიდან მათ უკვე შევსებული ჰქონდათ წლის რეზერვუარი, ავარიული დაშვების განხორციელება წყალზე გადაწყდა.