საქართველოს ეროვნული საკალათბურთო ნაკრების ბერძენმა დამრიგებელმა ის 12 კალათბურთელი დაასახელა, ვინც „ევრობასკეტ 2017-ზე“ იასპარეზებს.

აკროპოლისის თასის მოგების შემდეგ, ჩვენი ნაკრები დღეს ათენიდან თელ ავივში გაემგზავრება, სადაც 31 აგვისტოს ევროპის ჩემპიონატი დაიწყება.

კონტინენტის პირველობას ოთხი ქვეყანა მასპინძლობს და ისრაელში B ჯგუფის თამაშები ჩატარდება, სადაც ლიტვა, ისრაელი, იტალია, გერმანია, უკრაინა და საქართველო ითმაშებენ.

დანარჩენ ჯგუფებს რუმინეთი, ფინეთი და თურქეთი მასპინძლობენ. თითოეული, ექვსგუნდიანი ჯგუფიდან პლეიოფის საგზურს ოთხი საუკეთესო მოიპოვებს და ჯამში 16 ნაკრები თურქეთის ქალაქ სტამბოლში მოიყრის თავს, სადაც ევროპის ჩემპიონობისთვის ბრძოლა მერვედფინალიდან გაგრძელდება.