„სამეფო კარის თამაშების“ მეშვიდე სეზონის ბოლო სერია რეკორდული რაოდენობის მაყურებელმა ნახა. კვლევითი კომპანია Nielsen-ის მიერ გავრცელებული ცნობებით, სერიალის ფინალურ ეპიზოდს ტელევიზიით 12,1 მილიონმა მაყურებელმა უყურა, ხოლო კიდევ 4-მა მილიონმა ადამიანის სერიას ინტერნეტში ნახა. როგორც კომპანიაში ამბობენ, წინა სეზონთან შედარებით მეშვიდე სეზონის ფინალის მაყურებლების რაოდენობა 36 პროცენტით არის გაზრდილი. მეექვსე სეზონის ფინალს 8,9 მილიონმა მაყურებელმა უყურა.

„სამეფო კარის თამაშების“ ბოლო სეზონი ტელეარხმა HBO-მ კვირას აჩვენა. აღნიშნული სერიალი ამერიკული ტელევიზიის ისტორიაში ერთ-ერთ ყველაზე წარმატებულ და გრძელვადიან პროექტად ითვლება. სერიალის ბოლო სეზონის გამოსვლის თარიღი ჯერ უცნობია.