„ღამის სერენადები“ გრძელდება. საერთაშორისო მუსიკალური ფესტივალის მეორე საკონცერტო დღეს მაყურებლის წინაშე გურფინკელების ოჯახი წარდგა.
კლარნეტისტი ძმები და მათი მამა დირიჟორი მიხაილ გურფინკელი ისრაელიდან ჩამოვიდნენ და ეს მათი პირველი კონცერტი იყო ბათუმში.
ღონისძიების მეორე ნაწილი ჯაზსს დაეთმო. სწორედ ამ განყოფილებაში მონაწილეობა უნდა მიეღო „ღამის სერენადების“ დამფუძნებელსა და უცვლელ სამხატვრო ხელმძღვანელს ლიანა ისაკაძეს და მას კომპოზიციები მეუღლესთან ერთად უნდა შეესრულებინა, თუმცა ფესტივალის გახსნის დღეს ტრაგიკული შემთხვევა მოხდა, მუსიკოსი თამაზ ჩაჩავა კონცერტის მიმდინარეობისას გულის შეტევით გარდაიცვალა.
ორგანიზატორებისა და ღონისძიების მონაწილეების გადაწყვეტილებით, საკონცერტო სერია გაგრძელდა და წლევანდელი ფესტივალი სწორედ მუსიკოს თამაზ ჩაჩავას ხსოვნას მიეძღვნა.
პროგრამაში მცირედი კორექტივები შევიდა, მასში აღარ მონაწილეობს მსოფლიოში აღიარებული ქართველი მევიოლინე ლიანა ისაკაძე. ფესტივალის ფარგლებში, კიდევ ერთი კონცერტი ხვალ გაიმართება. 31 აგვისტოს კი „ღამის სერენადები“ თბილისში, რუსთავლის თეატრში დაიხურება.