"ნაციონალური მოძრაობა“ ბორჯომის ხეობაში შექმნილ ვითარებასთან დაკავშირებით, საგარეო საქმეთა მინისტრს საკანონმდებლო ორგანოში იბარებს.
სალომე სამადაშვილი ამბობს რომ დღის განმავლობაში საგარეო უწყებას სადეპუტატო კითხვით მიმართავს და ინფორმაციას მოითხოვს იმის თაობაზე, თუ ვის მიმართა ქვეყანამ დახზმარებითვის.
შეგახსენებთ, ბორჯომში გაჩენილი ხანძრის დროს რუსეთის მხიდან დახმარების შეთავაზებაზე საგარეო საქმეთა სამინისტრომ განმარტება გააკეთა. უწყების წერილში ნათქვამია:„ბორჯომის ხეობაში ხანძრის სტიქიის მასშტაბები და შექმნილი უაღრესად კრიტიკული ვითარება მოითხოვდა ოპერატიულ და ეფექტურ ქმედებებს, ასევე, შესაბამისი ტექნიკის მოძიებას. გამომდინარე აქედან, ქართულმა მხარემ მიიღო გადაწყვეტილება, ხანძრის სალიკვიდაციო ღონისძიებებში დახმარებისთვის მიემართა სხვა სახელმწიფოებისათვის.
მიმართვა მოხდა როგორც გაერო-ს, ევროკავშირის, ნატო-ს, ასევე სხვა პარტნიორი ქვეყნებისადმი. ასევე, მოხდა მოძიება ყველა საჭირო ტექნიკის, რომლის გამოყენებაც არსებულ მოცემულობაში შესაძლებელს გახდიდა ეფექტურ რეაგირებას. მათ შორის იყო ტექნიკა, რომელსაც ფლობს რუსეთის ფედერაცია. შესაბამისად შედგა სატელეფონო საუბარი ზურაბ აბაშიძესა და გრიგორი კარასინს შორის, რომლის დროსაც რუსეთის მხრიდან გამოიხატა მზაობა დახმარების ისეთი ტექნიკით, რომელიც, გართულების შემთხვევაში, შესაძლებელს გახდიდა ხანძრის სალიკვიდაციო სამუშაოების ეფექტურ წარმოებას.
თუმცა, მოგვიანებით რუსეთის ფედერაციის მხრიდან დახმარების აუცილებლობა დღის წესრიგში აღარ დადგა.