დაზიანდა თუ არა ფიტარეთის სამონასტრო კომპლექსი სპეციალური ტექნიკის შეყვანის შედეგად-კულტურული მემკვიდრეობის დაცვის სააგენტოს თანამშრომელთა დასკვნა რამდენიმე დღეში გახდება ცნობილი.
მოკვლევითი სამუშაოების ჩასატარებლად სააგენტოს სპეციალისტები დღეს ადგილზე იმყოფებოდნენ.
როგორც მონასტრის წინამძღვარი, არქიმანდრიტი ექვთიმე შავდათუაშვილი ამბობს, სამონასტრო კომპლექსის ადგილზე კომპანია ,,არ-ემ-ჯი გოლდმა” ტექნიკა სასულიერო პირების თხოვნით,ტერიტორიის ნაგვისგან გასაწმენდად შეიყვანა.
სასულიერო პირი ადასტურებს, რომ შესაბამისი გადაწყვეტილება კულტურული მემკვიდრეობის სააგენტოსთან შეთანხმებული არ ყოფილა.
არქიმანდრიტი ხაზს უსვამს, რომ ეს იყო „არ-ემ-ჯი გოლდის“ კეთილი ნება და კომპანიას კომპლექსის მიმდებარე ტერიტორიის მიმართ არანაირი დაინტერესება არ აქვს.
შეგახსენებთ, რომ „საყდრისის კომიტეტი“ „არ-ემ-ჯი-გოლდს“ სამონასტრო კომპლექსის გალავნის დაზიანებაში ადანაშაულებს. კომიტეტმა გუშინ ფოტო-მასალაც გაავრცელა.