სტიქია აზიაში. ინდოეთში, ბანგლადეშსა და ნეპალში მუსონური წვიმებისგან წარმოქმნილ წყალდიდობას 1 200-ზე მეტი ადამიანი ემსხვერპლა. სამაშველო სამსახურები სტიქიისგან დაზარალებული მილიონობით ადამიანის დახმარებას ცდილობენ.

საერთაშორისო ჰუმანიტარული ორგანიზაციების ინფორმაციით, სამივე ქვეყანაში მუსონური წვიმების სეზონი ნაადრევად დაიწყო, რამაც მასშტაბური ზარალი გამოიწვია. წყალდიდობამ ნეპალში 90 ათასი სახლი დატბორა. სტიქიამ განსაკუთრებული ზარალი სამხრეთ აზიის სასოფლო-სამეურნეო ინდუსტრიას მიაყენა. ბანგლადეშში წყალდიდობის შედეგად ნათესები 10 ათასი ჰექტარ ტერიტორიაზე განადგურდა.