„საქართველოს რკინიგზის“ გენერალური დირექტორი მამუკა ბახტაძე აცხადებს, რომ კომპანია 24-საათიან რეჟიმში მზადაა თანამშრომლებთან დიალოგისთვის. ამის შესახებ ბახტაძემ „საქართველოს რკინიგზის“ შენობასთან მიმდინარე შიმშილობის აქციის კომენტირებისას თურქმენეთში განაცხადა.

ჩვენ არაერთი კომენტარი გავაკეთეთ ამ საკითხთან დაკავშირებით და კიდევ ერთხელ მინდა გავიმეორო - „საქართველოს რკინიგზა“ 24-საათიან რეჟიმში მზადაა დიალოგისთვის ჩვენს თანამშრომლებთან. თანამშრომლები ყველაზე დიდი ფასეულობაა, რაც გააჩნია ჩვენს კომპანიას და ყველა იმ საკითხზე, რომელიც ეხება შრომით ურთიერთობებს, 24-საათიან რეჟიმში ვართ მზად დიალოგისთვის“, - განაცხადა ბახტაძემ.

რკინიგზის კახეთის რეგიონის დეფექტოსკოპიის თანამშრომელი უჩა ღვთისიაშვილი პროფკავშირების წარმომადგენლებთან ერთად, 15 აგვისტოდან შიმშილობს. ღვთისიაშვილი სამუშაო ადგილის შეცვლას აპროტესტებს და მარნეულიდან კვლავ კახეთში დაბრუნებას ითხოვს.