კალიფორნიის ქალაქ საკრამენტოში სასტუმრო Ramada Inn-ის მიმდებარე ტერიტორიაზე უცნობმა მამაკაცმა პოლიციის მისამართით ცეცხლი გახსნა, რის შედეგადაც ერთი სამართალდამცველი დაიღუპა, ორი ოფიცერი კი დაშავდა.

მამაკაცმა ავტომანქანით ადგილიდან მიმალვა მოასწრო, თუმცა ერთ-ერთ მაგისტრალზე იგი დააკავეს. პოლიციამ ეჭვმიტანილი ორმხრივ სროლაში დაჭრა. საკრამენტოს შერიფის პრესსპიკერის, ტონი ტარნბოლის განცხადებით, თავდამსხმელი საავადმყოფოში გადაიყვანეს. მისი მდგომარეობა კრიტიკულია. ქალაქის სამართალდამცავი ორგანოს ინფორმაციით, თავდამსხმელი მამაკაცის ვინაობა ამ დრომდე დაუდგენელია.

ამერიკული პრესის ინფორმაციით, კალიფორნიაში თავდასხმაში ეჭვმიტანილი კიდევ სამი მამაკაცი დააკავეს.