ბუდაპეშტში „ვიშეგრადის ოთხეულისა“ და „აღმოსავლეთ პარტნიორობის“ ქვეყნების საგარეო საქმეთა მინისტრების შეხვედრა გაიმართება.
მოლაპარაკებებში საქართველოს ვიცე-პრემიერი, საგარეო საქმეთა მინისტრი მიხეილ ჯანელიძე მიიღებს მონაწილეობას. ბუდაპეშტში იმყოფება ასევე ევროკომისარი იოჰანეს ჰანიც.
პლენარულ სესიაზე მონაწილეები იმსჯელებენ ნოემბრის „აღმოსავლეთ პარტნიორობის“ სამიტის მოლოდინებსა და შედეგებზე ორიენტირებული ურთიერთობების განვითარებაზე. მინისტრები მონაწილეობას მიიღებენ სამუშაო სადილის ფორმატში, სადაც საუბარი შეეხება ენერგეტიკის სფეროში თანამშრომლობის გაღრმავებას.
ბუდაპეშტში ვიზიტის ფარგლებში ასევე გაიმართება საქართველოს ვიცე-პრემიერის შეხვედრა უნგრეთის საგარეო საქმეთა და ვაჭრობის მინისტრთან პიტერ სიიარტოსთან.