მრავალეროვნული სამხედრო სწავლება Agile Spirit 2017 იწყება. ორფოლოს პოლიგონზე წვრთნები 3 სექტემბერს გაიხსნება.

სწავლებაში მონაწილე უცხოელი სამხედროების ნაწილი უკვე საქართველოში იმყოფება. დღეს დილით ალექსეევკის სამხედრო აეროდრომზე აშშ-ის საზღვაო ქვეითთა კორპუსისა და არმიის სამხედრო მოსამსახურეები ჩამოვიდნენ.

ამერიკელი სამხედროები აეროპორტიდან შესაბამისი პროცედურების გავლის შემდეგ ორფოლოს პოლიგონზე გაემგზავრნენ. სამხედრო სწავლების სცენარი სტაბილურობის, შეტევა-თავდაცვით ოპერაციებს ემყარება.