სექტემბერი 1, 2017
372
ქუთაისში ირაკლი აბაშიძის ქუჩაზე სადაც დევნილების აქცია მიმდინარეობს, რამდენიმე წუთის განმავლობაში გზა პარალიზებული იყო.
ადგილზე მობილიზებულია პოლიციაც. იძულებით გადაადგილებული პირები მესამე დღეა დევნილთა შტაბთან არიან შეკრებილები.
დევნილები ბინებს ითხოვენ. მათი თქმით, მიუხედავად იმისა, რომ მაღალი ქულები ჰქონდათ, იმ 429 ოჯახის სიაში ვერ მოხვდნენ, რომლებიც ქუთაისში ახალ ბინებს მიიღებენ.
დევნილები მინისტრ სოზარ სუბარის ქუთაისში ჩასვლას და მასთან შეხვედრას ითხოვენ. ქუთაისში ამ დროისთვის მინისტრის მოადგილეები და იმ კომისიის წევრები იმყოფებიან, რომელიც იძულებით გადაადგილებული პირებისათვის ბინების გადაცემის საკითხს განიხილავს. კომისიაში ამბობენ, რომ პროცესი გამჭვირვალეა.
მაჩვენე მეტი