თითქმის სამდღიანი სამაშველო ოპერაცია დასრულებულია - აბასთუმანში ხანძარი სრულად ლოკალიზებულია. ამ წუთებში მეხანძრე-მაშველები ცეცხლის კერების ლიკვიდირებას ცდილობენ. მიმდინარეობს ნახანძრალი ტერიტორიის დამუშავება, რათა კერები ხელახლა არ გაღვივდეს.
დღეს მოამბემ თურქული ვერტმფრენის ეკიპაჟისგან ექსკლუზიურად მოიპოვა ფოტო-მასალა, რომელიც აბასთუმნის ტყეში არსებულ ვითარებას ასახავს.
ჩვენი გადამღები ჯგუფი იმ ვერტმფრენშიც იმყოფებოდა, რომელიც გამთენიისას სტიქიის კიდევ ერთ ზონაში - ახალციხის რაიონის სოფელ სვირის ტყეში გაჩენილი ხანძრის სალიკვიდაციო სამუშაოებში იყო ჩართული.
ექსკლუზიურად გადაღებულ კადრებს რამდენიმე წუთში ნახავთ. დაუდევრობა თუ დივერსია - ცეცხლის ლოკალიზების შემდეგ გამოძიება იწყება. ექსპერტ-კრიმინალისტები ნახანძრალ ადგილებზე საგამოძიებო მოქმედებებს ატარებენ.
სალომე ქოქიაშვილის პირდაპირი ჩართვა აბასთუმნიდან.