ბოლო დროის ერთ-ერთ გახმაურებულ საქმეზე განაჩენი უახლოეს დღეებში უნდა გამოცხადდეს. ე.წ. ციანიდის საქმის არსებითი განხილვა სრულდება. დაკავებულმა დეკანოზმა მოსამართლეს საბოლოო სიტყვით მიმართა.

მედიისთვის დახურული პროცესის შემდეგ გიორგი მამალაძის გამოსვლის დეტალებს ადვოკატები ახმაურებენ. დაცვის მხარის განმარტებით, ანგარებით განზრახ მკვლელობის მომზადებაში ბრალდებულმა ბარგში მომწამლავი ნივთიერების არსებობა უარყო და ხაზი გაუსვა, რომ ციანიდის მოძიება პატრიარქის მდივან-რეფერენტისგან ჰქონდა დავალებული.

დაკავებულის დასკვნით სიტყვას განსხვავებულად აღწერს პროკურორი.