მეორე წარუმატებელი შეხვედრა ევრობასკეტზე. ევროპის ჩემპიონატის მესამე შეხვედრაში საქართველოს საკალათბურთო ნაკრები უკრაინასთან დამარცხდა. შეხვედრა 7-ქულიანი სხვაობით, 88:81 დასრულდა.

ქართველთა მხრიდან 17-17 ქულა მოიპოვეს გუნდის კაპიტანმა ზაზა ფაჩულიამ და გიორგი შერმადინმა.

უკრაინელებისგან პუსტოვმა 19 ქულა, 7 მოხსნა და 2 შედეგიანი გადაცემა დააგროვა. ამ ეტაპზე საქართველო 1 გამარჯვებით და 2 მარცხით ჯგუფში მე-5 ადგილზეა - ილიას ზუროსის გუნდს წინ ორი რთული მატჩი ელის - მასპინძელ ისრაელთან და იტალიასთან.

მერვედფინალში გასასვლელად საქართველოს ნაკრებს ორივე შეხვედრის მოგება სჭირდება.