უკრაინის უსაფრთხოების სამსახურის ხელმძღვანელი რუსეთის სპეცსამსახურებს უკრაინაში ტერაქტების ორგანიზაციაში სდებს ბრალს.

ვასილი გრიცაკის თქმით, მოსკოვი ეძებს მიზეზს, რომ მასშტაბური სამხედრო ოპერაცია დაიწყოს. ტელეარხ „პრამოის“ ეთერში საუბრისას უკრაინის უსაფრთხოების სამსახურის ხელმძღვანელმა განაცხადა, რომ რუსეთის სპეცსამსახურებმა ბოლო პერიოდში უკრაინაში საქმიანობა გაააქტიურა.

გირცაკმა პირდაპირ ეთერში რუსეთის ფედერალური უსაფრთხოების სამსახურის უფროსს მიმართა და უკრაინის ტერიტორიაზე დივერსიების მოწყობაზე ხელის აღება მოსთხოვა.
„მე მოგმართავთ, როგორც ოფიცერი ოფიცერს. ომის პირობებშიც მოქმედებს წესები, რომელთა დარღვევაც სპეცსამსახურების წარმომადგენლებისთვის დაუშვებელია. თქვენ ყველა ზღვარი გადალახეთ. მეც და თქვენც ვიცით, რომ უკრაინის ტერიტორიაზე - ოდესაშიც, ხარკოვში და ხერსონში ტერაქტების მოწყობაში სპეცსამსახურების თანამშრომლები მონაწილეობდნენ“, - განაცხადა გრიცაკმა.
მისივე თქმით, რუსეთის სპეცსამსახურები მოსკოვში ტერაქტებს თავად გეგმავდნენ და შემდეგ მომხდარზე პასუხისმგებლობას უკრაინელ სამხედროებს დააკისრებდნენ, რომლებიც რუსეთის დედაქალაქში მოტყუებით ჩაიყვანეს.