ვიკილიქსის დამფუძნებელი ჯულიან ასანჟი პრეზიდენტ დონალდ ტრამპისთვის იმპიჩმენტის გამოცხადების საკითხს არ გამორიცხავს, იმ შემთხვევაში თუ შეერთებული შტატები ჩინეთთან, როგორც ფხენიანთან მოთანამშრომლე ქვეყანასთან სავაჭრო ურთიერთობებს გაწყვეტს.
აშშ - ჩინეთს შორის სავაჭრო ბრუნვა წელიწადში 650 მილიარდ დოლარს აღემატება, ამ თანამშრომლობის შეწყვეტის შემთხვევაში კი ასანჟის ვარაუდით, პრეზიდენტის იმპიჩმენტი გარდაუვალი იქნება.
თეთრი სახლის ადმინისტრაცია ფხენიანთან მოთანამშრომლე ქვეყნებთან სავაჭრო ურთიერთობების გაწყვეტას ვაშინგტონის ერთ-ერთ ნაბიჯად განიხილავს, მას შემდეგ რაც ჩრდილოეთ კორეამ კვირას, რიგით მე-6 ბირთვული გამოცდა განახორციელა. აღსანიშნავია, რომ ჩრდილოეთ კორეის მიერ წარმოებული სავაჭრო ურთიერთობების 90 პროცენტი, სწორედ ჩინეთთან მოდის.